নিউজ ডেস্কঃ ভাৰত-ম্যানমাৰ সীমান্ত আলফা (স্বাঃ)ত যোগদান কৰিবলৈ যোৱা ৩ যুৱকক আটক। ৭ নং আছাম ৰাইফলছৰ জোৱানসকলে এক সূত্ৰৰ পৰা লাভ কৰা তথ্যৰ ভিত্তিত নাগালেণ্ডৰ মন জিলাত এটা ঘৰত কেইজনমান যুৱকৰ উপস্থিতিৰ সম্ভেদ লাভ কৰাত অভিযান চলাইছিল। আটক হোৱা যুৱক তিনিজন ক্ৰমে ওদালগুৰি জিলাৰ জলহা অঞ্চলৰ মহেন্দ্ৰ ডেকাৰ পুত্ৰ বিকাশ ডেকা, যোৰহাট জিলাৰ এজাৰগুৰি অঞ্চলৰ সুনীল বৰাৰ পুত্ৰ অৰিন্দম বৰা আৰু আনজন তিনিচুকীয়া জিলাৰ শদিয়া অঞ্চলৰ যোগেশ চন্দ্ৰ নেওগৰ পুত্ৰ হিমন্ত নেওগ বুলি সেনাৰ সূত্ৰত প্ৰকাশ কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।