বকোঃ কামৰূপ জিলা বকো থানাত নিশা উত্তপ্ত পৰিস্থিতি। ক্লিণদিত চাংমা নামৰ এজন লোকক গ্রেপ্তাৰক লৈ সৃষ্টি হয় উত্তপ্ত পৰিস্থিতি। জানিব পৰা মতে ক্লিণদিত চাংমাই মেঘালয়ৰ পৰা আহি বকোৰ গামেৰীমূৰাৰ মালাং ছালবাৰীত ঘৰ জোঁৱাই হিচাপে থাকি মেঘালয়ৰ হকে মাত মাতি আহিছে, লগতে তলে তলে স্থানীয় অঞ্চলৰ লোকক মেঘালয়ৰ সমৰ্থক বনাই এক ভীষণ সংঘাত সৃষ্টিৰ ষড়যন্ত্ৰ চলাই আহিছে। আনকি এগৰাকী মহিলাই সমৰ্থন নকৰাত ক্লিণদিতে প্রাণে মৰাৰ ভয় ভাবুকি প্রদান কৰিছে।
তাৰ পিছতে লোকজনৰ বিৰুদ্ধে বকো থানাত এজাহাৰ দাখিল কৰিছিল মহিলাগৰাকীয়ে। এজাহাৰৰ ভিত্তিতে আৰক্ষীয়ে গ্রেপ্তাৰ কৰে ক্লিণদিত চাংমাক। বকো থানা ঘেৰাও মেঘালয়ৰ সমৰ্থনকাৰীৰ| ক্লিনদিড চংমাক গ্ৰেপ্তাৰৰ পিচতে বকো থানা ঘেৰাও কৰিবলৈ আহে মেঘালয়ৰ লোকসকলে আৰু মেঘালয়ৰ সমৰ্থনকাৰীসকলে গ্ৰছিলা মাৰাকৰ এজাহাৰৰ ভিত্তিত গ্ৰেপ্তাৰ কৰা হয় ক্লিণদিত চংমাক| গ্রেপ্তাৰৰ পিছতে গামেৰীমূৰা আৰু শালবাৰীত উত্তেজনা সৃষ্টি হয়। লগতে নিশা বকো থানা ঘেৰাও কৰে মেঘালয়ৰ লোকে আৰু মেঘালয়ৰ সমৰ্থনকাৰী শতাধিক লোকে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।