বিশ্বনাথঃ অসম চাহ মজদুৰ সংঘৰ বিশ্বনাথ শাখা কাৰ্যালয়ত বিশ্বনাথ শাখাৰ সম্পাদক নগেন গোৱালাৰ নেতৃত্বত অনুষ্ঠিত হয় সাংগঠনিক সভা। এই সাংগঠনিক সভাত অংশগ্ৰহণ কৰে অসম চাহ মজদুৰ সংঘৰ কেন্দ্ৰীয় সমিতিৰ সভাপতি পৱন সিং ঘাটোৱাৰে। এই সাংগঠানিক সভাত অসম চাহ মজদুৰ সংঘৰ সভাপতি গৰাকীয়ে চাহ-বাগিচাৰ পুৰুষ-মহিলা সকলোৰে লগত বিভিন্ন সমস্যা সন্দৰ্ভত মত-বিনিময় কৰে।
অনাগত দিনবোৰত চাহ-বাগিচা অঞ্চল সমূহৰ সমস্যাসমূহ কি দৰে সমাধান কৰিব পাৰি তাৰ ওপৰতো আলোচনা কৰা হয়। এইফালে অসম চাহ মজদুৰ সংঘৰ সাংগঠনিক শক্তি বৃদ্ধি কৰাৰ ক্ষেত্ৰতো বিশ্বনাথ শাখা সমিতিৰ সৈতে আলোচনাত মিলিত হয় কেন্দ্ৰীয় সভাপতি গৰাকী। আনফালে, বিশ্বনাথ জিলাৰ চাহ অধ্যুক্ষিত অঞ্চল সমূহৰ কৃতি ছাত্ৰ ছাত্ৰী সকলকো এই অনুষ্ঠানতে চেক যোগে কিছু আৰ্থিক অনুদান প্ৰদান কৰি কেন্দ্ৰীয় সভাপতি গৰাকীয়ে অশ্বাস প্ৰদান কৰে যে অনাগত দিনবোৰত চাহ বাগিচাৰ কৃতি ছাত্ৰ-ছাত্ৰীসকলে উচ্চ শিক্ষাৰ পাঠ্যক্ৰমৰ বাবে নিৰ্বাচিত হ’লে সেই সকলকো আৰ্থিক সকাহ প্ৰদান কৰা হ'ব বুলি আশ্বাস প্রদান কৰে কেন্দ্ৰীয় সভাপতি গৰাকীয়ে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।