নিউজ ডেস্কঃ দেশৰ সৰ্ববৃহৎ চৰকাৰী বেংক এছবিআইয়ে এক ডাঙৰ বিফলতাৰ সন্মুখীন হৈছে। ভাৰতীয় ৰিজাৰ্ভ বেংকে নিয়ম উলংঘা কৰাৰ বাবে এছবিআইৰ ওপৰত ১ কোটি টকাৰ জৰিমনা আৰোপ। আৰবিআইয়ে শুকুৰবাৰে এক বিবৃতিত কৈছে যে ২০২১ চনৰ ১৬ নৱেম্বৰত জাৰি কৰা এক নিৰ্দেশত জৰিমনা আৰোপ কৰা হৈছে। কেন্দ্ৰীয় বেংকৰ মতে, বিত্তীয় পৰিস্থিতিৰ ক্ষেত্ৰত এছবিআইৰ নিৰীক্ষণ মূল্যাংকন সন্দৰ্ভত ৩১ মাৰ্চ, ২০১৮ আৰু ৩১ মাৰ্চ, ২০১৯-ৰ ভিতৰত এক বিধিবদ্ধ পৰিদৰ্শন কৰা হৈছিল। আদেশ অনুসৰি, বিপদাশংকা মূল্যায়ন প্ৰতিবেদন পৰীক্ষা কৰা হৈছিল, পৰিদৰ্শন প্ৰতিবেদনত বেঙ্কিং নিয়ন্ত্ৰণ আইনৰ এটা ব্যৱস্থা উলংঘন পোৱা গৈছিল। এছবিআইয়ে ঋণ লওঁতা কোম্পানীবোৰৰ ক্ষেত্ৰত কোম্পানীবোৰৰ পৰিশোধিত শ্বেয়াৰ মূলধনৰ ত্ৰিশ শতাংশতকৈ অধিক পৰিমাণৰ শ্বেয়াৰ বন্ধক ৰাখিছিল। কাৰণ দৰ্শোৱাৰ জাননী জাৰী কৰা হৈছিল- আৰবিআইয়ে তেতিয়া বিষয়টোত এছবিআইক কাৰণ দৰ্শোৱাৰ জাননী জাৰি কৰিছিল। বেংকৰ সঁহাৰি বিবেচনা কৰাৰ পিছত জৰিমনা আৰোপ কৰাৰ সিদ্ধান্ত লোৱা হৈছিল। আৰবিআইয়ে শেহতীয়াকৈ পেমেণ্ট বেংক Paytmৰ ওপৰত ১ কোটি টকাৰ জৰিমনা আৰোপ কৰিছে- কেন্দ্ৰীয় বেংকে শেহতীয়াকৈ Paytm পেমেণ্টবেংক লিমিটেডৰ ওপৰত ১ কোটি টকাৰ জৰিমনা আৰোপ কৰিছে। আৰবিআইয়ে এক বিবৃতিত কৈছিল যে পেমেণ্ট এণ্ড ছেটেলমেণ্ট চিষ্টেম এক্ট, ২০০৭ (PSS Act)ৰ ধাৰা 26(2)ৰ অধীনত এটা অপৰাধৰ বাবে পেটিএম পেমেণ্ট বেংকক জৰিমনা বিহা হৈছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।