কামপুৰঃ সমগ্ৰ দেশৰ লগতে আজি কামপুৰতো NCC দিৱস উদযাপন কৰা হয়। এই উপলক্ষে কামপুৰ উচ্চতৰ মাধ্যমিক আৰু বহুমুখী বিদ্যালয়ত অনুষ্ঠিত কাৰ্যসূচীত পুৱা পতাকা উত্তোলন কৰে প্ৰাক্তন NCC বিষয়া তথা বিদ্যালয়খনৰ প্ৰাক্তন শিক্ষক লীলাকান্ত শইকীয়াই।
অনুষ্ঠানটোত উপস্থিত থাকে কামপুৰ উচ্চতৰ মাধ্যমিক আৰু বহুমুখী বিদ্যালয়ৰ অধ্যক্ষ জয়ন্ত গোস্বামী; বিদ্যালয়ৰ সভাপতি যতীন বৰা; অষ্টম অসম NCC বেটেলিয়নৰ প্ৰাক্তন সুবেদাৰ মেজৰ দীপেন বৰা। অনুষ্ঠানটোৰ আঁত ধৰে কামপুৰ উচ্চতৰ মাধ্যমিকৰ NCC সহযোগী বিষয়া বিদ্যাপ্ৰসাদ লস্কৰে। ইয়াৰ পিছতে সাংস্কৃতিক কাৰ্যসূচীৰো অনুষ্ঠিত হয়।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।