জামুগুৰিহাটঃ জামুগুৰিহাটৰ দিকৰাই চাহ-বাগিচাৰ অন্তৰ্গত আহুবাৰিৰ এগৰাকী আদিবাসী মহিলাক প্ৰেমৰ প্ৰলোভনেৰে গাঁওখনৰে ৰাজু দাস নামৰ লম্পট এজনে সাতমাহৰ অন্তঃসত্বা কৰি থৈ পলাই যায়। প্ৰণিধানযোগ্য যে উক্ত মহিলাগৰাকীক যৌন নিৰ্যাতন সন্দৰ্ভত ইটাখোলা আৰক্ষী চকীত গোচৰ পঞ্জীয়ন হৈ আছে যদিও আৰক্ষীয়ে আজিলৈকে এজনকো গ্ৰেপ্তাৰ কৰিবলৈ সক্ষম নোহোৱাত যোৱা ২১ নৱেম্বৰত আটছা , আন্তৰাষ্ট্ৰীয় হিন্দু বজৰং দল আদি সংগঠনে ইটাখোলা আৰক্ষী চকীটোৰ সন্মুখত প্ৰতিবাদী কাৰ্যসূচী অনুষ্ঠিত কৰি ২৪ ঘণ্টাৰ ভিতৰত যদি ইটাখোলা আৰক্ষীয়ে উক্ত লম্পটক গ্ৰেপ্তাৰ কৰিব নোৱাৰে তেন্তে ইয়াতকৈ জংগী আন্দোলনৰ কাৰ্যসূচী লোৱা হব বুলি আৰক্ষীক ভাবুকি প্ৰদান কৰিছিল। আৰক্ষীয়েও অতি ক্ষিপ্ৰতাৰে অভিযুক্ত ৰাজু দাসৰ অনুসন্ধান কৰি যোৱা শনিবাৰে নিশা চতিয়া আৰক্ষীৰ এটা দলে বাংগালোৰৰ পৰা ৰাজু দাসক গ্ৰেপ্তাৰ কৰিবলৈ সক্ষম হয়৷ অভিযুক্ত ৰাজু দাসক আৰক্ষীয়ে ন্যায়িক জিন্মাত প্ৰেৰণ কৰিছে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।