শালবাৰীঃ মানাহ ৰাষ্ট্ৰীয় উদ্যানৰ কাষৰীয়া বাক্সাৰ লাৱদাংগুৰী পথাৰত বন্যহস্তীৰ উপদ্ৰপ। যোৱানিশা বন্যহস্তীয়ে চাৰিটাকৈ বাসগৃহ ভঙাৰ লগতে তহিলং কৰিলে শস্যভূমি। বন্যহস্তীৰ আক্ৰমণৰ পৰা কোনোমতেহে প্ৰাণ লৈ পলাবলৈ সক্ষম হয় পৰিয়ালকেইটা। নিশা হলেই ৰাষ্ট্ৰীয় উদ্যানখনৰ কাষৰীয়া অঞ্চলটোলৈ ওলাই আহে বন্যহস্তী।
একেদৰে যোৱানিশাও এটা বন্যহস্তী আহি অঞ্চলটোত তাণ্ডৱৰ সৃষ্টি কৰে। বন্যহস্তী অহাৰ উমান পাই ৰাইজে চিঞৰ বাখৰ কৰাত বন্যহস্তীটো পুনৰ মানাহৰ জংঘলৰ ফালে গুচি যায় বুলি স্থানীয়লোকে জানিবলৈ দিয়ে। উল্লেখ্য যে পূৰ্বেও অঞ্চলটোত বন্যহস্তীয়ে উপদ্ৰপ চলাই কেইবাটাও বাসগৃহ ভাঙি তহিলং কৰিছিল। ইমানৰ পিছতো বনবিভাগে বিশেষ গুৰুত্ব প্ৰদান নকৰাৰ অভিযোগ ভূক্তভোগী লোকসকলৰ।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।