চাপৰঃ বঙাইগাঁও জিলাৰ তালগুৰী-বাসুগাঁও সংযোগী পথটোৱে জ্বলাকলা খুৱাই আছে সাধাৰণ ৰাইজক। বহুদিন ধৰি জৰাজীৰ্ণ হৈ আছে পথটো কিন্তু কানসাৰ নাই বিভাগীয় কৰ্তৃপক্ষ বা সমষ্টিৰ বিধায়কৰ।
এই খলাবমা পথেৰে যাতায়ত কৰি অতিষ্ঠ হৈ পৰিছে সকলোৱে।বঙাইগাঁও জিলা সমিতিৰ অন্তৰ্গত ধণতোলা-বামুনীটিলা আঞ্চলিক সমিতিৰ উদ্যোগত আৰু ৰাইজৰ সহযোগত তালগুৰী-বাসুগাঁও সংযোগী জৰাজীৰ্ণ পথটোৰ আধৰুৱা কামৰ পুনৰ মেৰামতিৰ দাবীত আমছুৱে ১ ঘণ্টীয়া পথ অবৰোধ কাৰ্য্যসূচী পালন কৰে।
লগতে ডাংতল ৰাজহ চক্ৰ বিষয়াৰ জৰিয়তে বঙাইগাঁও জিলা উপায়ুক্ত লৈ স্মাৰক পত্ৰ প্ৰেৰণ কৰে। জানিব দিয়া মতে উক্ত পথটো অতি সোনকালে মেৰামতি নকৰিলে ইয়াতকৈ আৰু ভয়ানক আন্দোলনৰ কাৰ্য্যসূচী পালন কৰিব।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।