বকোঃ কামৰূপ জিলা ৰাভা ছাত্ৰ সন্থাৰ উদ্যোগত নৱম বাৰ্ষিক জননেতা 'সব্যসাচী ৰাভা সোঁৱৰণি প্ৰাইজমানী ফুটবল প্ৰতিযোগিতা আজিৰ পৰা বকোত আৰম্ভ হৈছে৷ বকো ৰাজহুৱা খেল পথাৰত অনুষ্ঠিত আন্ত: ৰাভা হাছং এই প্ৰতিযোগিতা ১২ ডিচেম্বৰলৈ অনুষ্ঠিত হ'ব৷ আজিৰ উদ্বোধনী প্ৰতিযোগিতাৰ শুভ উদ্বোধন কৰে প্ৰাক্তন নিখিল ৰাভা ছাত্ৰ সন্থাৰ সভাপতি গংগাৰাজ ৰাভাই৷
আজিৰ উদ্বোধনী খেলখন বকো এফ চি বনাম মাজ জাখেলী বাৰ্মুদাই এফ চি দলৰ মাজত অনুষ্ঠিত হয়৷ ইফালে, উদ্বোধনী খেলৰ প্ৰাকক্ষণত উদ্বোধনী অনুষ্ঠানত উপস্থিত থকা কামৰূপ জিলা ৰাভা ছাত্ৰ সন্থাৰ সম্পাদক নমল ৰাভাই আঁত ধৰা সম্বৰ্ধনা অনুষ্ঠান এটিত খেল উদযাপন সমিতিৰ সভাপতি তথা ৰাভা হাছং স্বায়ত্ত্ব শাসিত পৰিষদৰ কাৰ্যবাহী সদস্য সুমিত ৰাভা, উপাধক্ষ্য ৰমাকান্ত ৰাভা, কাৰ্যবাহী সদস্য আদিত্য ৰাভা, সোনাৰাম ৰাভা, সাধাৰণ সদস্য অৰ্জুন ছেত্ৰী, কামৰূপ জিলা ৰাভা ছাত্ৰ সন্থাৰ উপদেষ্টা সঞ্জীৱ ৰাভা, সভাপতি অজিত ৰাভা, উপ সভাপতি মন্টু ৰাভা, খেল পৰিচালনা সমিতিৰ সম্পাদক জগন্নাথ ৰাভা, বকো আঞ্চলিক ক্ৰীড়া সন্থাৰ সভাপতি জগত চন্দ্ৰ দাস, বকো আঞ্চলিক ৰাভা ছাত্ৰ সন্থাৰ সভাপতি সুজিত ৰাভা আৰু সম্পাদক দিব্যধৰ ৰাভা প্ৰমুখ্যে কেবাজনো বিশিষ্ট ব্যক্তিকো সম্বৰ্ধনা জনোৱা হয়৷ উল্লেখ্য, উদ্বোধনী খেলত বকো এফ চি দলে ৩-২ গ'লৰ ব্যৱধানত মাজ জাখেলী বাৰ্মুদাই এফ চি দলক পৰাজিত কৰে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।