শালবাৰীঃ ৰাজ্যৰ বিভিন্ন প্ৰান্তৰ সমান্তৰালকৈ বাক্সাৰ ভকুৱামাৰীতো পালন কৰা হৈছে দিব্যাংগ দিৱস। স্বেচ্ছাসেৱী সংস্থা ডিজেবুল ওয়েলফেয়াৰ মিছনৰ উদ্যোগত পালন কৰা দিব্যাংগ দিৱসৰ ৰাতিপুৱা পতাকা উত্তোলন, শ্ৰদ্ধাঞ্জলি অনুষ্ঠানৰ লগতে শোভাযাত্ৰা উলিওৱা হয়।
দিব্যাংগ দিৱসৰ কাৰ্যসূচীত উপস্থিত থাকি অভ্যৰ্থনা সমিতিৰ সম্পাদক ফলিলুৰ ৰহমানে দীৰ্ঘদিন ধৰি চৰকাৰী সুবিধাৰ পৰা বঞ্চিত দিব্যাংগ সকলক চৰকাৰীভাৱে সুবিধা প্ৰদানৰ দাবী উত্থাপন কৰে। উল্লেখ্য যে আজিৰ এই শোভাযাত্ৰাত দিব্যাংগসকলৰ লগতে ভকুৱামাৰী অঞ্চলৰ ৰাইজে অংশগ্ৰহণ কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।