যোৰহাটঃ যোৰহাটৰ লগতে ৰাজ্যত দিনক দিনে পথ দুৰ্ঘটনা বৃদ্ধি পোৱাৰ প্ৰতি লক্ষ্য ৰাখি ৰাইজক পথ সুৰক্ষাৰ সজাগতা সৃষ্টি অৰ্থে যোৰহাট জিলা পথ সুৰক্ষা সমিটিৰ উদ্যোগত যোৰহাট কছাৰী ময়দানৰ পৰা এটি সজাগতা শোভাযাত্ৰা বাহিৰ কৰে|
যোৰহাট আৰক্ষী, যান বাহন আৰক্ষী, মটৰ পৰিবহণ বিভাগ আৰু বিভিন্ন চৰকাৰী বেচৰকাৰী বিভাগৰ উদ্যোগত "পথ সুৰক্ষা, জীৱণ ৰক্ষা" শ্ল’গানেৰে পথ সুৰক্ষা সজাগতাৰ শুভযাত্ৰা আৰম্ভ কৰে৷ এই শুভাযাত্ৰা আৰম্ভ কৰে যোৰহাট জিলা উপায়ুক্তই৷
এই যাত্ৰাৰ আৰম্ভণিতে পৰিবহণ বিষয়াই কয় যে যদি দুচকীয়া বাহন আৰোহী আৰু উঠি অহাজনে হেলমেট নিপিন্ধে তেনে জৰিমনা বিহাৰ উপৰিও কেতিয়াবা লাইচেঞ্চ বাতিল বা মটৰ চাইকেল জব্দ কৰিবলগীয়া হবও পাৰে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।