লংকাঃ খাদ্য আৰু বাসস্থানৰ অভাৱত বনাঞ্চল এৰি জনাঞ্চলত প্ৰবেশ কৰা বনৰীয়া হাতীয়ে ৰাজ্যৰ বিভিন্ন প্ৰান্তৰ লগতে হোজাইতো আজি কিছুদিনৰ পৰা চলাই আহিছে সন্ত্ৰাস। যোৱাকালি সন্ধিয়া হোজাইৰ ঠিকাদাৰ বস্তিত বনৰীয়া হাতীৰ এটা জাকে গাঁওখনৰ বহুকেইটা বাসগৃহ লণ্ডভণ্ড কৰাৰ লগতে যোৱা নিশা হোজাই ৰায়কটা ট্ৰাইবেল বিদ্যালয়ৰ চৌহদত প্ৰবেশ কৰি বিদ্যালয় গৃহৰ পকী দেৱাল ভাঙি মধ্যাহ্ন ভোজনৰ চাউল খায় ভহিলং কৰে ১০ জনীয়া এটাৰ হাতীৰ জাকে। আনহাতে এই বিদ্যালয়খনৰ হাতীয়ে দেৱাল ভাঙি মধ্যাহ্ন ভোজনৰ চাউল খোৱা এয়াই প্ৰথম নহয়, এই বিদ্যালয়খনত পূৰ্বেও দুবাৰকৈ হাতীয়ে এইদৰে পকী দেৱাল ভাঙি চাউল ভক্ষণ কৰিছিল।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।