জামুগুৰিহাটঃ নাৰীৰ অধিকাৰ সুৰক্ষিত কৰক৷ নাৰী শক্তি মহান শক্তি, ভ্ৰুণ হত্যা বন্ধ কৰক, শিশু শ্ৰমিক বন্ধ কৰক, বাল্যবিবাহ বন্ধ কৰক, নাৰী নিৰ্যাতন বন্ধ কৰক আদি বিভিন্ন শ্ল’গানেৰে জামুগুৰিহাটৰ ইটাখোলাত এক সজাগতামূলক শোভাযাত্ৰা বাহিৰ কৰে চতিয়াৰ অংগনবাড়ী কৰ্মী-সহায়িকাসকলে৷
চতিয়া সংহত শিশু প্ৰকল্প কাৰ্য্যালয়ৰ অন্তৰ্গত কৰ্মী-সহায়িকা সকলে ইটাখোলা ব্যৱসায়ীক কেন্দ্ৰৰ মাজেদি আহি শংকৰদেৱ ভৱনত এই শোভাযাত্ৰা লগতে বাটৰ নাটভাগ সমাপ্ত কৰে৷ হাতে হাতে বেনাৰ-প্লেকাৰ্ডলৈ শোভা যাত্ৰা কৰি আহি অংগনবাড়ী কৰ্মীসকলে শংকৰদেৱ ভৱনত আজি (শনিবাৰে) এখন সজাগতামূলক সভাও অনুষ্ঠিত কৰে৷
গ্ৰামাঞ্চলৰ নাৰী সকলক সজাগ-সচেতন কৰাৰ উদ্দেশ্যৰে তথা নাৰী সকলক সবলীকৰণৰ লক্ষ্যৰেই এই কাৰ্য্যসূচী সম্পন্ন কৰা হয় বুলি জানিবলৈ দিয়ে চতিয়া আঞ্চলিক পঞ্চায়তৰ সভাপতি লক্ষীকান্ত বৰা, নদুৱাৰ ৰাজহ চক্ৰ বিষয়া মন্তুুষ চক্ৰৱৰ্ত্তী প্ৰমুক্ষে কৰি বিভিন্নজনে৷ মুখ্য অতিথি ৰূপে আসন অলংকৃত কৰে বিশ্বনাথ জিলাৰ অতিৰিক্ত উপায়ুক্ত লিজা তালুকডাৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।