সৰুপথাৰঃ গোলাঘাট জিলাৰ সৰুপথাৰৰ ৰাজহুৱা খেলপথাৰত সৰুপথাৰ আঞ্চলিক ছাত্ৰ সন্থাৰ সোণালী জয়ন্তী বৰ্ষ উদযাপন। যোৱা ১০ ডিচেম্বৰৰ পৰা ১২ ডিচেম্বৰলৈ তিনিদিনীয়া বাৰেৰহনীয়া কাৰ্যসূচীৰে অনুষ্ঠিত আজি দ্বিতীয় দিনা সৰুপথাৰ উচ্চতৰ মাধ্যমিক বিদ্যালয়ৰ খেলপথাৰৰ পৰা সৰুপথাৰ নগৰৰ মাজমজিয়াই দি সৰুপথাৰৰ ৰাজহুৱা খেলপথাৰলৈ জাতি জনগোষ্ঠীৰ সমাহাৰেৰে বিশাল সাংস্কৃতিক শোভাযাত্ৰা উলিয়াই।
আনহাতে সোণালী জয়ন্তী বৰ্ষৰ লগত সংগতি ৰাখি স্থানীয় ছাত্ৰ ছাত্ৰী সকলৰ মাজত চিত্ৰাংকন ৰচনা,ভূপেন্দ্ৰ সংগীত, তৰ্ককে ধৰি বিভিন্ন প্ৰতিযোগিতা অনুষ্ঠিত হয়। ইফালে দেওবাৰে অনুষ্ঠিত হ'ব লগা মুকলি সভাত মূখ্য অতিথি হিচাপে সদৌ অসম ছাত্ৰ সন্থাৰ উপদেষ্টা উদ্দীপ জ্যোতি গগৈল লগতে সদৌ অসম ছাত্ৰ সন্থাৰ কেন্দ্ৰীয় নেতৃত্বৰ লগতে গোলাঘাট জিলাৰ ছাত্ৰ সন্থাৰ সভাপতি সম্পাদকে ধৰি ছাত্ৰ সন্থাৰ বিষয়ববীয়া সকল উপস্থিত থাকিব বুলি উদযাপন সমিতিৰ বিষয়ববীয়াই জানিবলৈ দিয়ে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।