মৰিয়নীঃ মৰিয়নীত পুৱতি নিশা ৰে’লৰ খুন্দাত মৃত্যু হয় বন্যহস্তীৰ পোৱালি। উজনিমুৱা ০২৪২৪ নম্বৰৰ ৰাজধানী এস্কপ্ৰেছৰ খুন্দাত মৃত্যু হয় এটা বন্যহস্তীৰ পোৱালি। মৰিয়নীৰ নকচাৰী ভেলুগুৰি ৯৫ নং গেটৰ ৰে’লপথত সংঘটিত হৈছে এই ঘটনা। উক্ত স্থানত পূৰ্বেও বন বিভাগৰ গাফিলতিৰ বাবে ৩ টা কৈ বন্যহস্তীৰ মৃত্যু হৈছিল ৰে’লৰ খুন্দাত।
জানিব পৰা মতে কেইবাদিন ধৰি উক্ত স্থানত কেইবাটাও বন্যহস্তীয়ে বিচৰণ কৰি আছিল৷ গিৱন অভয়াৰণ্যৰ পৰা খাদ্য সন্ধানত প্ৰায় ওলাই আহে হাতীৰ জাকসমূহ। বন বিভাগৰ গাফিলতিৰ বাবে এনেদৰে বন্যহস্তীৰ মৃত্যুৱে উদ্বেগ প্ৰকাশ কৰিছে স্থানীয় ৰাইজে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।