নিউজ ডেস্কঃ প্ৰতিবিম্ব লাইভলৈ সুখবৰ। প্ৰতিবিম্ব লাইভৰ জন্মলগ্নৰেপৰা জড়িত হৈ থকা এখন চিনাকী মুখ জ্যেষ্ঠ সাংবাদিক ভৱেশ দাস।প্ৰায় তিনিটা দশক ধৰি অসমৰ ছপা সংবাদ মাধ্যমৰ লগত জড়িত দাস ডাঙৰীয়াই আজি সংবাদ প্ৰতিষ্ঠানটোত মুখ্য সম্পাদক হিচাপে কাৰ্যভাৰ গ্ৰহণ কৰে। দাসৰ কাৰ্যভাৰ গ্ৰহণৰ পাছতে সংবাদ প্ৰতিষ্ঠানটোৰ সকলো কাৰ্যকৰ্তাই ন-উদ্যমেৰে কাম কৰাৰ লগতে আগন্তুক দিনক অধিক নিষ্ঠাৰে বাতৰি পৰিৱেশন কৰাত উৎসাহ জনাব বুলি আশা প্ৰকাশ কৰিছে।
গোৱালপাৰাৰ পৰা প্ৰকাশিত ৰত্নপীঠ বাৰ্তাৰ জৰিয়তে সংবাদ মাধ্যমত প্ৰৱেশ কৰা ডাঙৰীয়াই পূৰ্বে দৈনিক বাতৰি কাকত, নিউজ ৩০ কাকত, নতুন প্ৰতিবিম্ব কাকতৰ মুখ্য সম্পাদকৰ দায়িত্বত কাৰ্যনিৰ্বাহ কৰিছিল। ইয়াৰোপৰি সাংবাদিকতা, কাব্য সাহিত্য, লোক-সংস্কৃতি, চিকিৎসা ভ্ৰমণ আদিৰ বিষয়ত কেইবাখনো গ্ৰন্থ প্ৰকাশ কৰিছে। বিগত তিনিটা দশক ধৰি সাংবাদিকতাৰ অভিজ্ঞতাৰে পৰিপুষ্ট দাস সাংবাদিক সাহিত্যৰ পৰা ডিজিটেল মিডিয়া, মজো জাৰ্নেলিষ্টৰ ওপৰতো জ্ঞান আহৰণ কৰি নতুন প্ৰজন্মৰ দৃষ্টি আকৰ্ষণ কৰি আহিছে। অনাগত দিনত দাস ডাঙৰীয়াৰ তত্বাৱধানত সংবাদ প্ৰতিষ্ঠানটোৱে ৰাজ্যবাসীক ব্যতিক্ৰমী বাতৰিৰ সোৱাদ প্ৰদান কৰিব বুলি সকলো আশাবাদী।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।