গোলাঘাটঃ গোলাঘাটৰ জামুগুৰি থানাৰ অন্তৰ্গত ঘূলিঘাটত নিশা ভয়ংকৰ পথ দুৰ্ঘটনা সংঘটিত হয়। এখন বিলাতী সুৰা কঢ়িয়াই অনা AS 03BC6638 নম্বৰৰ ব'লৰো পিকআপে বাহনে AS03AD5584 নম্বৰৰ DATSUN বাহনক খুন্দিয়াই। বাহন খনত থকা এগৰাকী কণমানি কিশোৰী আঘাতপ্ৰাপ্ত হয়।
কি কাৰণত এই দুৰ্ঘটনাতো সংঘটিত হ'ল এতিয়ালৈকে জানিব পৰা নাই যদিও প্ৰত্যক্ষদৰ্শীয়ে জানিবলৈ দিয়ামতে সুৰা কঢ়িয়াই অনা বাহনখনৰ চালকে অত্যাধিক সুৰা সেৱন কৰাৰ ফলতে এই দুৰ্ঘটনা সংঘটিত হয় বুলি জানিবলৈ দিয়ে। ইফালে ঘটনাস্থলীত জামুগুৰি আৰক্ষী উপস্থিত হৈ সুৰা কঢ়িয়াই অনা বাহনখন জব্দ কৰিছে। আনহাতে নিশা এইদৰে কঢ়িয়াই অনা বিলাতী সুৰাখিনি চোৰাং আছিল বুলি সন্দেহ কৰিছে একাংশ ৰাইজে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।