জামুগুৰিহাটঃ ৰাজ্যৰ বিভিন্ন প্ৰান্তৰ লগতে শোণিতপুৰ জিলাৰ জামুগুৰিহাটৰ ধলাইবিলতো উলহ-মালহেৰে উদযাপন কৰা হয় বৰদিন৷ধলাইবিল কেথলিক আৰু ব্যাপ্তিষ্ট চাৰ্চত শুকুৰবাৰে নিশা বৰদিন উপলক্ষে বিভিন্ন কাৰ্য্যসূচী ৰূপায়ণ কৰা হয়৷ এই উদ্দেশ্যৰে ধলাইবিল কেথলিক আৰু বাপটিষ্ট চাৰ্চত সন্ধিয়াৰে পৰা বৃহত্তৰ অঞ্চলটোৰ বিভিন্ন প্ৰান্তৰ খৃষ্টানধৰ্মী লোকসকল উপস্থিতি আছিল মন কৰিবলগীয়া৷
নিশালৈকে গীত-নৃত্যৰে মুখৰিত হৈ পৰা কেথলিক চাৰ্চত কেইবাগৰাকী চাৰ্চৰ বিষয়ববীয়াই অংশগ্ৰহণ কৰে৷ ক’ৰণা মহামাৰীৰ পৰা পৰিত্ৰাণ বিচৰাৰ লগতে বিশ্ব শান্তিৰ উদ্দেশ্যৰে ভগৱান যিশুৰ ওৰত প্ৰাৰ্থনা লোৱা বুলি মন্তৱ্য কৰে বৰদিনৰ কাৰ্য্যসূচীত অংশ লোৱা তথা দক্ষিণ মূঢ়াদল গাঁও পঞ্চায়তৰ প্ৰাক্তন সভাপতি সুন্দৰ সিঙৰ লগতে বিষয়ববীয়া সকলে৷ শুকুৰবাৰে নিশা বিভিন্ন কাৰ্যসূচীৰ অন্তত শনিবাৰে পুৱাৰে পৰা অন্যান্য ভালেকেইটি কাৰ্যসূচী ৰূপায়ণ কৰা দেখা গৈছে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।