শালবাৰীঃ বেঁকী নৈত খৰি সংগ্ৰহ কৰিবলৈ গৈ সন্ধানহীন এজন লোক। নৈৰে উটি অহা খৰি সংগ্ৰহ কৰিবলৈ আহি সন্ধানহীন। সন্ধানহীন লোকজন বৰপেটাৰোড আৰক্ষী থানাৰ অন্তৰ্গত বালাৰভিঠা গাঁৱৰ প্ৰদীপ ক্ষত্ৰিয়। যোৱা মঙলবাৰে তুলুঙা নাওৰে খৰি সংগ্ৰহ কৰি থাকোতেই হঠাৎ ডুব যায় নাওখন। তাৰ পিছৰ পৰাই সন্ধানহীন হৈ আছে প্ৰায় ৪৪ বছৰীয়া লোকজন।
পৰিয়ালে নিজে বিচাৰ খোচাৰ কৰি লোকজনৰ কোনো সন্ধান নোপোৱাত অৱশেষত ঘটনা সম্পৰ্কে বৰপেটাৰোড আৰক্ষীক অৱগত কৰে। তাৰ পিছতেই বৰপেটাৰোড আৰক্ষীয়ে আজি SDRF আৰু জুই নিৰ্বাপক বাহিনীৰ সহযোগত ঘটনাস্থলীত উপস্থিত হৈ লোকজনৰ সন্ধান চলায়। বাতৰি লিখা পৰলৈকে ব্যক্তিজনৰ কোনো সন্ধান লাভ কৰা নাই যদিও SDRF বাহিনীয়ে অভিযান অব্যাহত ৰাখিছে। এই ঘটনাৰ পিছতেই শোকত ভাগি পৰিছে সন্ধানহীন লোকজনৰ পৰিয়াল।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।