জামুগুৰিহাটঃ প্ৰয়াত অটল বিহাৰী বাজপেয়ীৰ ৯৭ সংখ্যক জন্মদিন উপলক্ষে জামুগুৰিহাটত আজি এক বিশাল মটৰচাইকেল ৰেলি বাহিৰ কৰে ভাৰতীয় জনতা পাৰ্টীৰ যুৱ মৰ্চ্চাৰ সদস্যসকলে৷ জামুগুৰিহাটৰ পৰিদৰ্শন ভৱনৰ পৰা বাহিৰ কৰা এই বাইক ৰেলিৰ শুভ উদ্বোধন কৰি চতিয়া সমষ্টিৰ বিধায়ক পদ্ম হাজৰিকাই কয়- প্ৰয়াত প্ৰধানমন্ত্ৰী অটল বিহাৰী বাজপেয়ীৰ আদৰ্শৰে আমি আগবাঢ়িব লাগিব৷ বাজপেয়ীৰ সু-শাসন, ৰাজনৈতিক দৰ্শন আমি সকলোৱে গ্ৰহণ কৰা উচিত৷ যুৱ নেতা মাধুৰ্য্য বৰাই আত ধৰা বাইক ৰেলিৰ শুভ অনুষ্ঠানটি মুকলি কৰি বিধায়ক পদ্ম হাজৰিকাই নিজে বাইক চলাই যুৱ কৰ্মীসকলক উৎসাহিত কৰাও দেখা যায়৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।