জামুগুৰিহাটঃ চচিয়েল মিডিয়াত বহুলভাৱে প্ৰচাৰিত তথা অসমৰ অন্যতম জনপ্ৰিয় ফেচবুক গ্ৰুপ বৰলুইতৰ ইপাৰ সিপাৰৰ সদস্যসকলে দেওবাৰে অনুষ্ঠিত কৰে সতীৰ্থ সন্মিলন। শোণিতপুৰ জিলাৰ জামুগুৰিহাটৰ বাপুজী ভৱনত অনুষ্ঠিত হোৱা উক্ত অনুষ্ঠানত শতাধিক প্ৰতিনিধিয়ে অংশগ্ৰহণ কৰে।
দিনযোৰা কাৰ্যসূচীৰে অনুষ্ঠিত হোৱা উক্ত সতীৰ্থ সন্মিলনখনি পুৱা পতাকা উত্তোলনেৰে শুভাৰম্ভ কৰে বৰলুইতৰ ইপাৰ সিপাৰৰ মুখ্য প্ৰশাসিকা মণি দেৱীয়ে। উক্ত অনুষ্ঠানতে "বৰলুইতৰ ইপাৰ সিপাৰ" নামৰ এখনি আলোচনী আৰু এটি গীতৰো শুভ উদ্বোধন কৰা হয়।
অনুষ্ঠানত সুদুৰ ঝাৰখণ্ডৰ লগতে শদিয়াৰ পৰা ধুবুৰীলৈকে থকা বৰলুইতৰ ইপাৰ সিপাৰৰ সদস্যসকলে সতীৰ্থ সন্মিলনত অংশগ্ৰহণ কৰাৰ লগতে মত-বিনিময় অনুষ্ঠানৰো আয়োজন কৰে। ইয়াৰ পিছত বিভিন্ন সময়ত গ্ৰুপত অনুষ্ঠিত হৈ যোৱা প্ৰতিযোগিতা সমূহৰ বটা বিতৰণী অনুষ্ঠান অনুষ্ঠিত হয়। নিশালৈ বৰলুইতৰ ইপাৰ সিপাৰৰ সদস্যসকলৰ লগতে নিমন্ত্ৰিত শিল্পীৰ দ্বাৰা সংগীতানুষ্ঠান অনুষ্ঠিত হয়৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।