বদৰপুৰঃ কৰিমগঞ্জ চহৰৰ নিলগৰ মুবাৰকপুৰত নৰকংকাল উদ্ধাৰ| নিশা কৰিমগঞ্জ বাইপাছৰ কাহত ৬নং ৰাষ্ট্ৰীয় ঘাইপথৰ দাঁতিত উদ্ধাৰ হয় নৰকংকালটো| নৰকংকালটোৰ কেৱল মুৰৰ লাউখুলা আৰু ককালৰ পৰা ভৰিলৈকে অংশ পোৱা গৈছে| জানিব পৰা মতে যোৱা কেইবাদিন ধৰি এখন ট্ৰাক ৰখি আছিল|
বহুদিনৰ মূৰত আজি ৰাতিৰ ভাগত ট্ৰাকখন হঠাতে গুছি যোৱাত স্থানীয় ৰাইজৰ চকুত পৰে নৰকংকালটো| খবৰ পাই আৰক্ষী কৰ্মী উপস্থিত হৈ কংকালটো উদ্ধাৰ কৰি কৰিমগঞ্জ অসমাৰিক চিকিৎসালয়ৰ মৰ্গত প্ৰেৰণ কৰে| ঘটনা লৈ ব্যাপক চাঞ্চল্য দেখা দিছে এলাকাত| আৰক্ষীয়ে ঘটনাৰ তদন্ত আৰম্ভ কৰিলেও কংকাল চিনাক্ত বা ঘটনাৰ কোনও সুংসুত্ৰ এতিয়ালৈকে ওলাব পৰা নাই|
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।