বোকাজানঃ বোকাজানত নৈশ বাছৰ পৰা প্ৰায় আধাকিলো ওজনৰ সোণ উদ্ধাৰৰ লগতে দুই সৰবৰাহকাৰীক আটক৷ জানিব পৰামতে বোকাজান মহকুমা আৰক্ষী বিষয়াজন দাসৰ এক গোপন তথ্য ভিত্তিত ডিমাপুৰৰ পৰা গুৱাহাটী অভিমুখী AS 01 AC 8977 নম্বৰৰ এখন নৈশ বাছত খটখটী আৰক্ষী থানাৰ সমীপৰ SBI ৰ সন্মুখত নাকা চেকিং বহুৱাই বাছখনত তালাচী চলোৱাত এগৰাকী মহিলা আৰু এজন পুৰুষে লুকুৱাই অনা সোণখিনি উদ্ধাৰ কৰিবলৈ সক্ষম হয়৷
মহিলা গৰাকীৰ গোপন অঙ্গত সোণখিনি লুকুৱাই আনিছিল বুলি জানিব পৰা গৈছে৷ আৰক্ষীয়ে সোণসহ আটক কৰা মহিলা গৰাকী হৈছে মনিপুৰৰ ইন্দু বালা টংগৰং আৰু পুৰুষজন মনিপুৰৰ ৰামেশ চালাম৷ বৰ্তমান আৰক্ষীয়ে দুয়োগৰাকীকে আটক কৰি অধিক তথ্যৰ বাবে জেৰা অব্যাহত ৰাখিছে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।