বাহাৰঘাটঃ নলবাৰী সমষ্টিৰ বিধায়ক তথা মুখ্যমন্ত্ৰীৰ ৰাজনৈতিক সচিব জয়ন্তমল্ল বৰুৱাই অন্য ৰাজনৈতিক কাৰ্য্যসূচীত ৰাজ্যৰ বাহিৰত থাকিব লগা হোৱাত তেওঁৰ হৈ গাঁও পঞ্চায়তখনৰ সভাপতি যোগেশ্বৰ শৰ্মা, আঞ্চলিক সদস্য ফনীনাথ লহকৰ, বিজেপি বড়িগোগ বনভাগ মণ্ডল সমিতিৰ সম্পাদক মনোজ ডেকা, শ্যামন্ত শৰ্মা, মৃগেন শৰ্মা, শক্তি কেন্দ্ৰৰ আহ্বায়ক যাদৱ দাস আদিয়ে আঁচনি কেইটাৰ আধাৰশিলা স্থাপন কৰে৷
আঁচনিসমূহৰ ভিতৰত চতমা বাসন্তী পূজা মন্দিৰত ৰানিং ওৱাটাৰ প্ৰজেক্ট, এখন শ্লেপকালভাৰ্ট, এটি পথৰ মেৰামতি আৰু নামখালা উপ-স্বাস্থ্যকেন্দ্ৰ গৃহৰ মেৰামতি, বৰখালা লক্ষীনাৰায়ন যুৱক সংঘত শৌচাগাৰ নিৰ্মাণ, দেহাৰকুছি দুৰ্গাপূজা মণ্ডপত ৰানিং ওৱাটাৰ প্ৰজেক্ট, পূৰ্নকামদেৱ এল পি স্কুল চৌহদত পকীবেৰ আৰু পূৰ্নদৈচপৰা বৰদৌলত প্ৰস্ৰাৱাগাৰসহ ৰানিং ওৱাটাৰ প্ৰজেক্ট আদি৷ কাৰ্য্যসূচীৰ আঁত ধৰে খনীন্দ্ৰ দাস আৰু কমল বেজবৰুৱাই৷ আনহাতে কাৰ্য্যসূচীত শক্তি কেন্দ্ৰৰ আহ্বায়ক মুকুট শৰ্মা, দীজেন লহকৰ, গাঁও পঞ্চায়তৰ সচিব প্ৰভাত কলিতা, বড়িগোগ বনভাগ মণ্ডল বিজেপিৰ মেদিয়া চেলৰ আহ্বায়ক জয়ন্ত পাটোৱাৰী, পূৰ্ণদৈচপৰা বুঠ সভাপতি হৰকান্ত লহকৰ, দেহাৰকুছি বুঠৰ সভাপতি প্ৰনৱ শৰ্মা, লৰমাবটাঁকুছি বুঠৰ সভাপতি মনোজ শৰ্মা, গাঁও পঞ্চায়তৰ ওৱাৰ্ড মেম্বাৰসকলে সহযোগ কৰে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।