নিউজ ডেস্কঃ বৃহস্পতিবাৰে নিশা লাভলীনা বৰগোহাঁইৰ বাসগৃহত উপস্থিত হ’ল ৰাজ্যৰ স্বাস্থ্যমন্ত্ৰী কেশৱ মহন্ত। ২৪ জানুৱাৰীত অসম চৰকাৰে প্ৰদান কৰিব অসম সৌৰভ বঁটা। সেই অনুসৰি অসম চৰকাৰৰ ফালৰ পৰা আনুষ্ঠানিকভাৱে নিমন্ত্ৰণ দিবলৈ উপস্থিত হ’ল কেশৱ মহন্ত। অসম চৰকাৰে প্ৰথমবাৰৰ বাবে প্ৰদান কৰিবলৈ লোৱা ‘অসম সৌৰভ বঁটা’ এইবাৰ অলিম্পিক পদক বিজয়ী লাভলীনা বৰগোহাঁইক প্ৰদান কৰা হ’ব।
সেয়েহে অসম চৰকাৰৰ ফালৰ পৰা আনুষ্ঠানিকভাৱে এই বঁটা প্ৰদান কৰিবলৈ গোলাঘাটৰ বাৰমুখীয়া গাঁৱত থকা লাভলীনাৰ ঘৰত উপস্থিত হৈ স্বাস্থ্যমন্ত্ৰী কেশৱ মহন্তই কয় যে, মুখ্যমন্ত্ৰী ড০ হিমন্ত বিশ্ব শৰ্মাৰ এখন নিমন্ত্ৰণী পত্ৰলৈ আহিছো।
ৰাজ্যখনৰ সৰ্বোচ্চ অসামৰিক সন্মান ‘ অসম সৌৰভ বঁটা’ৰ বাবে এইবাৰ লাভলীনা বৰগোহাঁইক চৰকাৰে নিৰ্বাচন কৰিছে। আৰু এই সন্মান চৰকাৰে গণতন্ত্ৰ দিৱসৰ প্ৰাকক্ষণত অহা ২৪ জানুৱাৰী তাৰিখে শ্ৰীমন্ত শংকৰদেৱ কলাক্ষেত্ৰত অসমৰ ৰাজ্যপাল আৰু মুখ্যমন্ত্ৰী গৰাকীয়ে প্ৰদান কৰিব।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।