খাৰিজা বিজনীঃ বৰপেটাৰোড চহৰৰ ১০ নং ৱাৰ্ডৰ মানাসপুৰৰ হিতেশ দাসৰ ঘৰত চোৰে সংঘটিত কৰে চুৰিকাণ্ড। আত্মীয়ৰ বিবাহ উপলক্ষে নিশা পৰিয়ালৰ লোকসকল গৈছিল ওদালগুৰিলৈ। আজি পুৱা বিয়া খাই ঘৰলৈ উভতি আহি চুৰিকাণ্ড সংঘটিত হোৱাৰ জানিব পাৰে পৰিয়ালটোৱে।
ঘৰত কোনো নথকাৰ সুযোগতে ঘৰৰ গ্ৰীল আৰু দুৱাৰৰ তলা ভাঙি গৃহত প্ৰৱেশ কৰে চোৰে। তাৰ পিছতেই তিনিটাকৈ আলমিৰা ভাঙি লণ্ডভণ্ড কৰে চোৰে। চোৰে সোণ-ৰূপৰ অলংকাৰৰ লগতে নগদ ধন লুট কৰি নিয়াৰ কথা সংবাদ মাধ্যমক জানিবলৈ দিয়ে পৰিয়ালৰ লোকে। ঘটনাস্থলীত বৰপেটাৰোড আৰক্ষী উপস্থিত হৈ আৰম্ভ কৰিছে তদন্ত।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।