শালবাৰীঃ মানাহ ৰাষ্ট্ৰীয় উদ্যানত চাফাই অভিযান। মানাহ জীপ ছাফাৰি সন্থাৰ উদ্যোগত আজি মানাহ ৰাষ্ট্ৰীয় উদ্যানত এক চাফাই অভিযান সম্পন্ন কৰা হয়৷ ৰাষ্ট্ৰীয় উদ্যানখনৰ চৌপাশৰ পৰিৱেশ নিকা আৰু স্বচ্ছ কৰি ৰখাৰ লক্ষ্যৰে পূৰ্বৰ দৰেই মানাহ জীপ ছাফাৰি সন্থাই এই কাৰ্যসূচী গ্ৰহণ কৰে৷ ৰাষ্ট্ৰীয় উদ্যানখনৰ বাঁহবাৰী ৰেঞ্জ অফিচৰ পৰা আৰম্ভ কৰা এই কাৰ্যসূচীৰ শুভাৰম্ভ কৰে বাঁহবাৰীৰ ৰেঞ্জাৰ বাবুল ব্ৰহ্মই ৷ আনহাতে বাঁহবাৰীৰ ৰেঞ্জ অফিচৰ পৰা মানাহৰ বাঁহবাৰীৰ মূল প্ৰৱেশদ্বাৰলৈ জীপ ছাফাৰি সন্থাৰ লগতে আন আন দল-সংগঠনৰ সদস্যসকলে একেলগ হৈ উক্ত এলেকাৰ জাৱৰ-জোঁথৰ চাফা কৰি পৰিৱেশ স্বচ্ছ কৰি ৰাখিবলৈ প্ৰয়াস কৰা পৰিলক্ষিত হয়৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।