জামুগুৰিহাটঃ শোণিতপুৰ জিলাৰ জামুগুৰিহাটৰ সমীপৰ বালিপৰাৰ এজন যুৱক ৭ দিন ধৰি সন্ধানহীন হৈ থকা ঘটনাই বৃহত্তৰ অঞ্চলটোত চাঞ্চল্যৰ সৃষ্টি কৰিছে। বালিপৰাৰ এৰাগাৱৰ নিৱাসী সবিতা শইকীয়াৰ পুত্ৰ কাজুমনি শইকীয়া ওৰফে কাবুল যোৱা ২৫ জানুৱাৰীৰ (২০২২) পৰাই ভালুকপুঙৰ পৰা সন্ধানহীন হৈ আছে।
উক্ত দিনা পুৱা কেইজনমান বন্ধুৰ সৈতে ভালুকপুঙলৈ গৈছিল যদিও নিশা বাকী কেইজন বন্ধু ঘৰ আহি পালেহি যদিও কাবুল শইকীয়া উপস্থিত নহ’ল ঘৰত। পৰিয়ালৰলোকে বহু বিচাৰ-খোচাৰ কৰিও সম্ভেদ উলিয়াব নোৱাৰি পিচত চাৰিদুৱাৰ আৰক্ষীক এখন এজাহাৰ দাখিল কৰিছে যদিও এই মুহুৰ্তলৈকে যুৱকজনৰ কোনা সম্ভেদ উলিয়াব পৰা নাই চাৰিদুৱাৰ আৰক্ষীয়ে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।