বটদ্ৰৱাঃ আজি অসমৰ মুখ্যমন্ত্ৰী ড০ হিমন্ত বিশ্ব শৰ্মাৰ ওপজা দিন। ওপজা দিন উপলক্ষে ৰাজ্যৰ বিভিন্ন ক্ষেত্ৰৰ লগত জড়িত বিভিন্নজনে শুভেচ্ছা প্ৰদান কৰাৰ উপৰিও বিভিন্নজনে উদযাপন কৰিছে জন্মদিন।
মুখ্যমন্ত্ৰী ড০ হিমন্ত বিশ্ব শৰ্মাৰ ৫৩ সংখ্যক জন্মদিন উপলক্ষে মহাপুৰুষ শ্ৰীমন্ত শংকৰদেৱৰ জন্মস্থান বটদ্ৰৱা থানত শৰাই নৈবেদ্য আগবঢ়াই সেৱা জনাই বটদ্ৰৱাবাসী ৰাইজে। বটদ্ৰৱাবাসী ৰাইজৰ হৈ বটদ্ৰৱা মণ্ডল বিজেপিৰ কৰ্মকৰ্তাসকলে পুৱা তেল, বন্তি, নৈবেদ্য লৈ কীৰ্তনঘৰত সেৱা আগবঢ়াই মুখ্যমন্ত্ৰীৰ সু-স্বাস্থ্যৰ আৰু দীৰ্ঘায়ু কামনা কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।