শালবাৰীঃ বাক্সাৰ লাৱদাংগুৰী আৰক্ষী চকীৰ অন্তৰ্গত বাৰাপেটাত ভয়ংকৰ পথ দুৰ্ঘটনা। নিয়ন্ত্ৰণ হেৰুৱাই পকী পথৰ পৰা পথাৰত বাগৰিল ই ৰিক্সা। দুৰ্ঘটনাত গুৰুতৰভাৱে আহত দুগৰাকী আৰোহী।
আহত দুই আৰোহী বাৰাপেটা মুছলিমবস্তীৰ ছাহিদুল ইছলাম আৰু ছহিদুল ইছলাম।বাৰাপেটা মিলন বজাৰৰ পৰা বৰপেটাৰোড অভিমুখে গৈ আছিল AS15 ER 2967 নম্বৰৰ ই-ৰিক্সাখন। তীব্ৰ গতিবেগৰ বাবেই নিয়ন্ত্ৰণ হেৰুৱাই পথৰ পৰা পথাৰত বাগৰি পৰে ই-ৰিক্সাখন। তাৰ পিছতে স্থানীয় ৰাইজে ততাতয়াকৈ ১০৮ এম্বুলেঞ্চযোগে আহতদ্বয়ক বৰপেটাৰোড চৰকাৰী চিকিৎসালয়লৈ প্ৰেৰণ কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।