ডুমডুমাঃ মুখ্যমন্ত্ৰী হিমন্ত বিশ্ব শৰ্মা আজি হঠাতে ডুমডুমাৰ দিয়ামুলীত আহি উপস্থিত হয়| দিয়ামুলীস্তিত দিচাম দেৱ সত্ৰত মুখ্যমন্ত্ৰী গৰাকীয়ে সেৱা কৰাৰ উদ্দেশ্যে আজি পুৱা প্ৰায় 10:30 বজাত উপস্থিত হয়| বান্দৰখাটি হাইস্কুলৰ খেল পথাৰত হেলিকপ্তাৰ অৱতৰণ কৰি পোনে পোনে ঐতিহাসিক সত্ৰখনলৈ ৰাউনা হয় মুখ্যমন্ত্ৰী| সত্ৰত প্ৰায় এঘণ্টাৰ অধিক সময় অতিবাহিত কৰি সত্ৰৰ সত্ৰাধিকাৰৰ বাসগৃহত আহাৰ গ্ৰহণ কৰে|
ইয়াৰ পূৰ্বে সাংবাদিকৰ প্ৰশ্নৰ উত্তৰ দি মুখ্যমন্ত্ৰীয়ে চেৰমান আলি যি কলেও সত্ৰৰ ভূমি বেদখল মুক্ত কৰা হ’বই বুলি কোৱাৰ লগতে পঞ্চায়ত আৰু গ্ৰামোন্নয়ন বিভাগৰ ঠিকাভিত্তিত কৰ্মচাৰী সকলে আন্দোলনৰ পথ লোৱাৰ পৰিৱৰ্তে আলোচনা মৰ্মে তেওঁলোকৰ সমস্যাসমূহ সমাধান কৰাৰ চেষ্টা কৰিবলৈ আহ্বান জনাই| আনহাতে বিদ্যালয়সমূহ 15 ফেব্ৰুৱাৰী তাৰিখৰ পৰা খোলাৰ কথা অৱগত কৰে মুখ্যমন্ত্ৰী গৰাকীয়ে| উল্লেখযোগ্য যে, মহিলা আত্মসহায়ক গোটৰ ঋন মাফৰ চেক বিতৰণ অনুষ্ঠানত অংশগ্ৰহণ কৰিবলৈ মুখ্যমন্ত্ৰীয়ে তিনিচুকীয়ালৈ ৰাউনা হয়|
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।