জামুগুৰিহাটঃ শোনিতপুৰ জিলাৰ জামুগুৰিহাটৰ টৌভঙাৰ ১৫ নং ৰাষ্ট্ৰীয় ঘাইপথত আজি পুৱা এটা অচিনাক্ত মৃতদেহ উদ্ধাৰ হোৱাত চাঞ্চল্যৰ সৃষ্টি হৈছে। পুৱা প্ৰাত: ভ্ৰমণলৈ অহা লোকে ৰাষ্ট্ৰীয় ঘাইপথৰ ওপৰত মৃতদেহটো পৰি থকা দেখি জামুগুৰি আৰক্ষীক খৱৰ দিয়ে৷ মৃতদেহটোৰ গাত আঘাটৰ চিন স্পষ্ট হৈ থকাত কোনো গাড়ীৰ খুন্দাত ব্যক্তিজনৰ মৃত্যু হোৱা বুলি সন্দেহ কৰা হৈছে। জামুগুৰি আৰক্ষীয়ে মৃতদেহ চমজি লৈ মৰণোত্তৰ পৰীক্ষাৰ বাবে তেজপুৰলৈ কনকলতা অসামৰিক চিকিৎসালয়লৈ প্ৰেৰণ কৰে যদিও মৃতদেহটো চিনাক্ত কৰিব পৰা নাই।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।