ৰঙিয়াঃ আজাদী কা অমৃত মহোৎসৱৰ লগত সংগতি ৰাখি ৰঙিয়াত দুদিনীয়া বৰ্ণাঢ্য কাৰ্যসূচী অনুষ্ঠিত কৰা হয়। এই উপলক্ষে মঙলবাৰে ৰঙিয়া উচ্চতৰ মাধ্যমিক বিদ্যালয়ত প্ৰদৰ্শনী আৰু সাংস্কৃতিক অনুষ্ঠানৰ আয়োজন কৰে। ভাৰত চৰকাৰৰ তথ্য আৰু প্ৰচাৰ মন্ত্ৰনালয়ৰ অধিনৰ ৰিজিওনাল আউটৰিছ্ ব্যুৰোৰ উদ্যোগত আয়োোজিত হয় এই প্ৰদৰ্শনী আৰু সাংস্কৃতিক অনুষ্ঠান।
অনুষ্ঠানটোত ভাৰতৰ স্বাধীনতা আন্দোলন আৰু ক’ভিডৰ নীতি-নিয়মৰ ওপৰত এক প্ৰদৰ্শনীৰো ব্যৱস্থা কৰা হয়। গাম্ভীৰ্য্যপূৰ্ণ অনুষ্ঠানটো বন্তি প্ৰজ্বলনৰে উদ্বোধন কৰে ৰিজিওনাল আউটৰিছ্ ব্যুৰোৰ গুৱাহাটী কাৰ্যালয়ৰ গাণনিক বিষয়া মনোজ কুমাৰ লালে। মুখ্য অতিথি হিচাপে উপস্থিত থাকে সদৌ অসম মুক্তিযোদ্ধা সন্মিলনৰ সভাপতি কৃষ্ণকান্ত লহকৰ, ডঃ জ্যোতি বৰ্মণৰ লগতে কেইবাগৰাকী বিশিষ্ট ব্যক্তি।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।