ধুবুৰীঃ আজি দুপৰীয়াৰ ভাগত ধুবুৰী আৰক্ষীয়ে গোপন তথ্যৰ ভিত্তিত ঝগৰাপাৰৰ অঞ্চলত এক অভিযান চলায়৷ অভিযানত ঝগৰাপাৰৰ প্ৰথম খণ্ডৰ পৰা দুজন যুৱকক বৃহৎ পৰিমাণৰ নিচাজাতীয় টেবলেটসহ আটক কৰিবলৈ সক্ষম হয় ধুবুৰী আৰক্ষী। জানিব পৰা মতে যুৱক দুজনে ঝগৰাপাৰাৰ বিভিন্ন অঞ্চলত নিচাজাতীয় টেবলেট বিক্ৰী কৰি আছিল, যুৱক দুজন ক্ৰমে আব্দুল মোন্নাফ আৰু জমিৰ হুছেইন বুলি জানিব পৰা গৈছে।
জমীৰ হুঁচাইনৰ ঘৰত অভিযান চলাই চিছি টিভি, মোবাইল, কম্পিউটাৰ্ আৰু বহুতো আপত্তিজনক বস্তু উদ্ধাৰ কৰিবলৈ সক্ষম হয়। ইতিমধ্যে যুৱক দুজনক ধুবুৰী আৰক্ষীয়ে জেৰা অব্যাহত ৰাখিছে, আৰক্ষীৰ তদন্তৰ পিছত সকলো তথ্য পোহৰ লৈ আহিব পাৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।