নগৰবেৰাঃ নগৰবেৰাৰ টুপামাৰীত নিশা ১ বজাত ভয়ংকৰ অগ্নিকাণ্ড। অগ্নিকাণ্ডত নিমিষতে ভস্মীভূত হয় আব্দুল কৰিমৰ ঘৰসহ কেইবালাখ টকাৰ সম্পত্তি। ভুক্তভোগী পৰিয়ালৰ আত্মীয়ই সন্দেহ কৰা মতে ঘৰৰ পিছফালে থকা পাটৰ খৰিত কোনোবা দুৰ্বৃত্তই জুই লগাই দিয়ে আৰু তাৰ পৰাই জুইৰ সূত্ৰপাত হয়। আনুমানিক পাঁচ লক্ষাধিক টকাৰ সা-সম্পত্তি নষ্ট হোৱা বুলি জানিব দিয়ে পৰিয়ালৰ লোকে।
অগ্নিকাণ্ডত এটা ঘৰ সম্পূৰ্ণ জাহ যায় যদিও ৰাইজে জুই নুমাই বাকী ঘৰবোৰ জুইৰ পৰা ৰক্ষা কৰে। স্থানীয় ৰাইজে দৰিদ্ৰ পৰিয়ালটিক উপযুক্ত ক্ষতিপূৰণ দিয়াৰ বাবে চৰকাৰক আহ্বান জনায়।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।