ৰঙিয়াঃ ৰঙিয়াত পুনৰ আৰক্ষীৰ জালত ড্ৰাগছ ব্যৱসায়ী আইতুল আলীসহ নুৰুল হ'ক। ৰঙিয়া আৰক্ষীয়ে সোমবাৰে আবেলি ভাগত ৰঙিয়াৰ ৩১ নং ৰাষ্ট্ৰীয় ঘাইপথৰ উদিয়ানাত ড্ৰাগছ ব্যৱসায়ী আইতুল আলীৰ লগতে নুৰুল হ'ক নামৰ যুৱক এজনক আটক কৰে। ব্যৱসায় দুজনৰ পৰা আৰক্ষীয়ে AS01-ET-7856 নম্বৰৰ স্কৰপি'অ এখনৰ লগতে ৯ গ্ৰাম হিৰ'ইন জব্দ কৰিবলৈ সক্ষম হয়।
ড্ৰাগছ ব্যৱসায়ী আইতুলৰ ঘৰ ৰঙিয়া বালাগাঁৱত আৰু নুৰুলহ'কৰ ঘৰ ৰঙিয়া চিৰাসুন্দিত বুলি জানিব পৰা গৈছে। পূৰ্বতে ৰঙিয়া আৰক্ষীয়ে তুলসীবাৰীত আইতুল আলী নামৰ ড্ৰাগছ ব্যৱসায়ীজনক আটক কৰি জেল হাজোতলৈ প্ৰেৰণ কৰিছিল। আইতুল আলী নামৰ ব্যক্তিজনে নলবাৰী দিশৰ পৰা তেওঁৰ স্কৰপি'অ গাড়ীখন লৈ আহি থকা সময়তে ৩১ নং ৰাষ্ট্ৰীয় ঘাইপথৰ উদিয়ানাত আৰক্ষীৰ দলে আগুছি ধৰে। গাড়ীখন ৰখোৱাৰ পিচত আৰক্ষীৰ দলটোৱে আইতুলৰ গাড়ীসহ বালাগাঁৱলৈ আনি তালাচী চলাই। তালাচী চলোৱাৰ সময়ত আৰক্ষীয়ে গাড়ীখনৰ পৰা ৯ গ্ৰাম হিৰ'অইন উদ্ধাৰ কৰিবলৈ সক্ষম হয়। আটকাধিন দুয়োজনকে আৰক্ষীয়ে অধিক তথ্যৰ বাবে সোধপোচ অব্যাহত ৰাখিছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।