ধুবুৰীঃ আৰক্ষীয়ে গোপন তথ্যৰ ভিত্তিত ধুবুৰীৰ কুসুমুদ্দিন মোৰ, ইছলাম নগৰ অঞ্চলত জহিৰুল ইছলামৰ ঘৰত অভিযান চলায়, অভিযানত জহিৰুল ইছলাম, আৰু আমিৰ মণ্ডল নামৰ দুজন যুৱকক বৃহৎ পৰিমাণৰ নিচাজাতীয় টেবলেটসহ হুককা, লগতে বিভিন্ন আপত্তিজনক সামগ্ৰী উদ্ধাৰ কৰিবলৈ সক্ষম হয় ধুবুৰী আৰক্ষীয়ে।
জানিব পৰা মতে যুৱক দুজনে বিভিন্ন অঞ্চলত নিচাজাতীয় টেবলেট বিক্ৰী কৰি আহিছিল, যুৱক দুজন ক্ৰমে জহিৰুল ইছলাম, আৰু আমিৰ মণ্ডল বুলি জানিব পৰা গৈছে। যুৱক দুজনৰ পৰা বৃহৎ পৰিমাণৰ নিচাজাতীয় দ্ৰব্য R7 টেবলেট, হুককা, শিৰোয়েন, ছিৰিঞ্জ লগতে বিভিন্ন আপত্তিজনক সামগ্ৰী জব্দ কৰে ধুবুৰী আৰক্ষীয়ে। ইতিমধ্যে যুৱক দুজনক ধুবুৰী আৰক্ষীয়ে জেৰা অব্যাহত ৰাখিছে, আৰক্ষীৰ তদন্তৰ পিছত সকলো তথ্য পোহৰ লৈ আহিব পাৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।