বটদ্ৰৱাঃ নগাঁও জিলা বটদ্ৰৱা আৰক্ষীৰ ড্ৰাগছৰ বিৰুদ্ধে আন এক সফল অভিযান। বৃহৎ পৰিমাণৰ ড্ৰাগছসহ আটক কুখ্যাত ড্ৰাগছ ব্যৱসায়ী আব্দুল হেকিম। যোৱানিশা বটদ্ৰৱা আৰক্ষীয়ে এক গোপন খবৰৰ ভিত্তিত পূব ভোমোৰাগুৰিৰ পৰা আটক কৰিবলৈ সক্ষম আব্দুল হেকিমক। ধৃত আব্দুল হেকিমৰ ঘৰ জাজৰি আৰক্ষী থানাৰ অন্তৰ্গত হাতীযুজুৱা গাঁৱত বুলি জানিব পৰা গৈছে।
ড্ৰাগছ ব্যৱসায়ী আব্দুল হেকিমে অতি কৌশলেৰে পূব ভোমোৰাগুৰিৰ এটি ভাড়া ঘৰৰ পৰাই অব্যাহত ৰাখিছিল ড্ৰাগছৰ এই ৰমৰমীয়া বেহা। আৰক্ষীৰ অভিযানত ধৃত ড্ৰাগছ ব্যৱসায়ীটোৰ পৰা ৯.৭০গ্ৰাম ড্ৰাগছৰ লগতে কনট্রেইনাৰ, ড্ৰাগছ সেৱন কৰা সা-সামগ্ৰী আৰু কিছু নগদ ধন জব্দ কৰিবলৈ সক্ষম হয় আৰক্ষীয়ে। বৰ্তমানে বটদ্ৰৱা আৰক্ষীয়ে অধিক তথ্যৰ বাবে ড্ৰাগছ মাফিয়াটোক মাৰাথান জেৰা অব্যাহত ৰাখিছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।