জামুগুৰিহাটঃ পৌৰ সভাৰ নিৰ্বাচনৰ পূৰ্বেই বিনা প্ৰতিদণ্ডিতাৰে বিজয়ী হোৱা জামুগুৰি পৌৰসভাৰ ৪ গৰাকী বিজেপি প্ৰাৰ্থীক আজি বিজয়ী ঘোষণা কৰে শোণিতপুৰ জিলা নিৰ্বাচনী বিষয়াই৷ জামুগুৰিহাটৰ পৰিদৰ্শন বঙলাত থকা অস্থায়ী নিৰ্বাচনী বিষয়াৰ কাৰ্যালয়ত বিষয়া মন্টোষ চক্ৰৱৰ্তীয়ে আটাইকেইগৰাকী বিজেপি দলৰ প্ৰাৰ্থীক চৰকাৰী প্ৰমাণপত্ৰও প্ৰদান কৰে৷ উল্লেখ্য যে ১নং,৭নং আৰু ৮নং ৱাৰ্ডত কংগ্ৰেছ দলৰ প্ৰাৰ্থী ক্ৰমে ভাৰত ভূঞা, অল্পনা ভূঞা আৰু পল্লবী বৰকাকতীয়ে মনোনয়ন প্ৰত্যাহাৰ কৰাত বিনা প্ৰতিদ্বন্দ্বিতাৰে বিজয়ী হয় বিজেপি সমৰ্থিত প্ৰাৰ্থী ক্ৰমে জগত জীৱন বৰা, হিমাদ্ৰী ভূঞা আৰু শিখা শইকীয়া৷ আনহাতে ৪নং ওৱাৰ্ডত কংগ্ৰেছৰ কোনো প্ৰাৰ্থী নথকাত বিজেপিৰ সুজিত তালুকদাৰ বিনা প্ৰতিদণ্ডিতাৰে নিৰ্বাচিত হৈছিল৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।