শালবাৰীঃ বাক্সাৰ চুক্ৰুংবাৰীত বন্যহস্তীৰ তাণ্ডৱ। নিশা মানাহ ৰাষ্ট্ৰীয় উদ্যানৰ পৰা ওলাই অহা বন্যহস্তীৰ বৃহৎ জাক এটাই তহিলং চলায় অঞ্চলটোত। চুক্ৰুংবাৰী বজাৰস্থিত এটি ধান ভঙা মিলত আক্ৰমণ বন্যহস্তীৰ। ইয়াৰোপৰি অঞ্চলটোৰ বিস্তীৰ্ণ কৃষিভূমিত তাণ্ডৱ বন্যহস্তীৰ বৃহৎ জাকটোৰ। বিলাহী, জলকীয়া, পানীলাউ আদি বহুবিঘা কৃষিভূমি তাণ্ডৱ চলাই বিস্তৰ ক্ষতিসাধন কৰে বন্যহস্তীৰ জাকটোৱে। অৰ্ধশতাধিক বন্যহস্তীৰ বৃহৎ জাকটোৰ তাণ্ডৱত বিনিদ্ৰ ৰজনী কটায় অঞ্চলবাসীয়ে। উল্লেখ্য যে সমীপতে থকা কাহিতামাস্থিত বনবিভাগে বিশেষ গুৰুত্ব প্ৰদান নকৰাৰ অভিযোগ ভুক্তভোগী কৃষকৰ।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।