ৰাজ্যত অব্যাহত চোৰাং গৰুৰ সৰবৰাহ, জুৰীয়াৰ ধিং গাঁৱত দুই গভাইত চোৰক আটক

বটদ্ৰৱাঃ ৰাজ্যত বৰ্তমানেও অব্যাহত আছে চোৰাং গৰুৰ সৰবৰাহ। এইবাৰ নগাঁও জিলাৰ জুৰীয়াৰ ধিং গাঁৱত ৰাইজৰ জালত পৰিল চোৰাং গৰু বিক্ৰী কৰিবলৈ লৈ অনা দুই গভাইত চোৰ। লাহৰিঘাট আৰু মৈৰাবাৰীৰ দুই গো মাফিয়া ক্ৰমে ছাদেক আলী আৰু নেকিবোৰ ৰহমানে টাটা ম'বাইল বাহনেৰে চোৰাং গৰু বিক্ৰীৰ উদ্দেশ্যেৰে লৈ আহিছিল নগাঁও জিলাৰ ধিং গাঁৱত। স্থানীয় ৰাইজে দুই গো-মাফিয়াক আটক কৰি পৰবৰ্তী সময়ত দগাঁও আৰক্ষীক চমজাই দিয়ে। ইতিমধ্যে দগাঁও আৰক্ষীয়ে দুই গো-মাফিয়াক জেৰা অব্যাহত ৰাখিছে।