নামবৰ দৈগ্ৰোং বন্যপ্ৰাণী সংৰক্ষিত অভয়াৰণ্যত প্ৰাপ্তবয়স্ক বন্যহস্তীৰ মৃতদেহ উদ্ধাৰ

নুমলীগড়ঃ গোলাঘাট বন সংমণ্ডলৰ অধীনৰ কৌৱানী উপ খণ্ড বন কাৰ্যালয়ৰ অন্তৰ্গত নামবৰ দৈগ্ৰোং বন্যপ্ৰাণী সংৰক্ষিত অভয়াৰণ্যত এটা প্ৰাপ্তবয়স্ক বনৰীয়া হাতীৰ মৃতদেহ উদ্ধাৰ কৰে বনকৰ্মীয়ে। চাৰি-পাঁচদিনৰ পূৰ্বে হাতীটো মৃত্যু হোৱা বুলি ঠাৱৰ কৰিছে বন বিভাগে। গোলাঘাটৰ বন প্ৰাধীকাৰী, কাজিৰঙাৰ চিকিৎসকসহ এটা দল, বন বিভাগৰ দল উপস্থিত হৈ হাতীটোৰ মৰনোত্তৰ পৰীক্ষাৰ অন্তত সমাধিস্থ কৰা হয়। ইতিমধ্যে মৃত হাতীটোৰ শুৰৰ এটা অংশ কোনো দুস্কৃতিকাৰীয়ে কাটি নিয়াৰ সন্দেহ কৰিছে যদিও দাঁ‌ত কেইটা সুৰক্ষিত অৱস্থাত উদ্ধাৰ কৰে বনবিভাগৰ লোকে।