নিউজ ডেস্কঃ মমতা বেনাৰ্জীয়ে কালি কলকাতা বিমান বন্দৰত চাৰ্টাৰ্ড বিমানত এক অভাৱনীয় পৰিস্থিতিৰ মুখামুখি হয়৷ পশ্চিম বংগৰ মুখ্যমন্ত্ৰীগৰাকীক কঢ়িয়াই নিয়া চাৰ্টাৰ্ড বিমানখনে কালি বায়ুমণ্ডলৰ অস্থিৰতাৰ বাবে আকস্মিকভাৱে অৱতৰণ কৰাবলগীয়া হয়৷ এই ঘটনাত পিঠিত আঘাত পাইছে কলকাতাৰ মুখ্যমন্ত্ৰীগৰাকীয়ে৷ চিকিৎসকৰ এটি দলে মুখ্যমন্ত্ৰীগৰাকীক চিকিৎসা প্ৰদান কৰি জিৰণি ল’বলৈ পৰামৰ্শ দিয়ে৷
পশ্চিম বংগ চৰকাৰে শুকুৰবাৰে লক্ষ্ণৌৰ পৰা কলকাতালৈ মুখ্যমন্ত্ৰী বেনাৰ্জীক লৈ যোৱা এখন চাৰ্টাৰ্ড বিমানত সংঘটিত হৈছে এই ঘটনা৷
কলকাতাৰ নেতাজী সুভাষ বসু আন্তঃৰাষ্ট্ৰীয় বিমানবন্দৰৰ সূত্ৰই জনাোৱমতে, পাইলটজনে বিমানখন বিমানবন্দৰত সুৰক্ষিতভাৱে অৱতৰণ কৰাবলৈ সক্ষম হৈছিল। সমাজবাদী পাৰ্টিৰ হৈ প্ৰচাৰ চলাবলৈ উত্তৰ প্ৰদেশ ভ্ৰমণ সমাপ্ত কৰাৰ পাছত মমতা বেনাৰ্জীয়ে কলকাতালৈ উৰা মাৰিছিল৷ যেতিয়া অস্থিৰতাৰ বাবে হঠাতে উচ্চতা হ্ৰাস হোৱাৰ ফলত মমতা বেনাৰ্জীয়ে তেওঁৰ আসনৰ পৰা আঁতৰি গৈছিল, যাৰ ফলত তেওঁ পিঠিত আঘাত পাইছিল।
বিমানখন যোৱা বছৰ ৰাজ্য চৰকাৰে মুখ্যমন্ত্ৰীৰ বিভিন্ন ৰাজ্যভ্ৰমণৰ বাবে ভাড়ালৈ লৈছিল।প্ৰশাসনৰ সূত্ৰ অনুসৰি, পশ্চিম বংগৰ গৃহ বিভাগে ঘটনাটোৰ তদন্ত আৰম্ভ কৰিছে আৰু পাইলটলৈ কাৰণ দৰ্শোৱাৰ জাননী প্ৰেৰণ কৰিছে৷ কিয় বিমানখনে অস্থিৰতাৰ সন্মুখীন হৈছিল? লক্ষ্ণৌৰ পৰা কলকাতালৈ যোৱা পথৰ বতৰ বেছিভাগ পৰিষ্কাৰ আছিল। শুকুৰবাৰে আবেলি বাৰাণসীৰ পৰা কলকাতালৈ মুখ্যমন্ত্ৰী মমতা বেনাৰ্জীক লৈ যোৱা এখন বিমান অস্থিৰতাত ধৰা পৰে বুলি কলিকতা বিমানবন্দৰৰ সূত্ৰই জানিবলৈ দিছে৷
