আজি উন্নত চিকিৎসাৰ বাবে মুম্বাইলৈ যাব কিশোৰ দাস, আশু আৰোগ্য কামনা

নিউজ ডেস্কঃ বৰ্তমান সময়ৰ এখনি চিনাকি মুখৰ নাম কিশোৰ দাস। সকলোৰে মাজত অতি কম সময়ৰ ভিতৰতে জনপ্ৰিয় হৈ উঠিবলৈ সক্ষম হৈছে কিশোৰ। প্ৰতিভাৱান অভিনেতাগৰাকীৰ জীৱনলৈ হঠাতে নামি অহা এই খবৰে দুখী কৰি তুলিছে তেওঁৰ পৰিয়াল, বন্ধু-বৰ্গ তথা অনুৰাগীক। কিশোৰৰ চিকিৎসাৰ বাবে বৰ্তমান সময়ত বহুত টকাৰ প্ৰয়োজন। অভিনেতাজনক সহায়ৰ হাত আগবঢ়াইছে বিভিন্নজনে। কিশোৰ দাসক মুখ্যমন্ত্ৰী হিমন্ত বিশ্ব শৰ্মাই আগবঢ়াইছে ২.৫০ লাখ টকাৰ এককালীন সাহায্য। উল্লেখ্য যে উন্নত চিকিৎসাৰ বাবে আজি অৰ্থাৎ দেওবাৰে বিয়লি কিশোৰক লৈ যোৱা হ’ব মুম্বাইলৈ। মুম্বাইৰ প্ৰিন্স আলী চিকিৎসালয়ত চলিব তেওঁৰ চিকিৎসা।এই কথা সদৰী কৰিলে কিশোৰ দাস বৰ্তমান চিকিৎসাধীন হৈ থকা হেল্থ চিটি হাস্পতালে। কিশোৰক মুম্বাইলৈ নিয়াৰ খৰছ বহন কৰিব জুবিন গাৰ্গে। সুস্থ হৈ সোনকালেই মুম্বাইৰ পৰা উভতি আহক কিশোৰ দাস।