উলহ-মালহেৰে আৰম্ভ হ'ল বাক্সা জিলা সাহিত্য সভাৰ বাৰাপেটা অধিৱেশন

শালবাৰীঃ আজিৰে পৰা আৰম্ভ হ'ল বাক্সা জিলা সাহিত্য সভাৰ নৱম দ্বি-বাৰ্ষিক বাৰাপেটা অধিৱেশন। বাক্সাৰ দক্ষিণ বাৰাপেটা হাইস্কুল খেলপথাৰত দুদিনীয়া বৰ্ণাঢ্য কাৰ্যসূচীৰে অনুষ্ঠিত কৰা হৈছে অধিৱেশখন। পুৱাই অধিৱেশন মুখ্যদ্বাৰ উন্মোচন, বৃক্ষৰোপণ, অসম সাহিত্য সভাৰ পতাকা উত্তোলন, স্মৃতি তৰ্পন, মুখ্য মঞ্চ উন্মোচন আদি কাৰ্যসূচী অনুষ্ঠিত হয়। তাৰ পিছতেই জ্যোতিসংগীত প্ৰতিযোগীতা, জ্যোতিনৃত্য প্ৰতিযোগীতা, প্ৰতিনিধি শিৱিৰ মুকলি, প্ৰতিনিধি সভা, সাংস্কৃতিত অনুষ্ঠান আদি বিভিন্ন ধৰণৰ কাৰ্যসূচী অনুষ্ঠিত হ'ব বুলি উদ্যোক্তাই জানিবলৈ দিয়ে।