গণেশগুৰিৰ হোটেলত উদ্ধাৰ উৱলি যোৱা মৃতদেহ

গুৱাহাটীঃ মহানগৰীত চাঞ্চল্যকৰ ঘটনা৷ গণেশগুৰিৰ নতুন কোঠালী নামৰ হোটেলখনত আজি উদ্ধাৰ হৈছে এটা উৱলি যোৱা মৃতদেহ৷ মৃতদেহটো যোৰহাটৰ জিতুমণি দাস নামৰ ব্যক্তি এজনৰ বুলি চিনাক্ত কৰা হৈছে৷ বৃহস্পতিবাৰে ‘নতুন কোঠালী’ৰ ১০ নং কোঠাটো বুক কৰিছিল দাসে৷

এই কোঠাতেই উদ্ধাৰ হৈছে ব্যক্তিজনৰ মৃতদেহ৷ ব্যক্তিজনৰ মৃত্যু কেতিয়া হ’ল সেয়া জানিব পৰা হোৱা নাই৷ সমগ্ৰ হোটেলখনতে দুৰ্গন্ধ বিয়পি যোৱাত এই কথা পোহৰলৈ আহে৷ আৰক্ষীয়ে ঘটনা সন্দৰ্ভত তদন্ত আৰম্ভ কৰিছে৷ মৃতদেহ ইতিমধ্যে মৰণোত্তৰ পৰীক্ষাৰ বাবে জিএমচিএইছলৈ প্ৰেৰণ কৰা হৈছে৷