মাৰ্ঘেৰিটাতো নাৰী দিৱস উদযাপন

মাৰ্ঘেৰিটাঃ  আজি আন্তৰ্জাতিক নাৰী দিৱস।  প্ৰতিবছৰে এই আজিৰ দিনটোতে অৰ্থাৎ ৮মাৰ্চ তাৰিখে পালন কৰা হয় আন্তৰ্জাতিক নাৰী দিৱস।  সমগ্ৰ বিশ্বৰ লগতে আজি তিনিচুকীয়া জিলাৰ মাৰ্ঘেৰিটাতো দেখিবলৈ পোৱা গৈছে নাৰী দিৱস পালন কৰা।  মাৰ্ঘেৰিটাত আজি সংহত শিশু উন্নয়ন প্ৰকল্পৰ উদ্যোগত মাৰ্ঘেৰিটা কুমাৰ পট্টি গাঁও পঞ্চায়তৰ সভা কক্ষত আন্তৰ্জাতিক নাৰী দিৱস পালন কৰা হয়।  আজিৰ এই সভাখনত পঞ্চায়তৰ নাৰী আৰু শিশু সৱলীকৰণৰ কাৰণে যি আঁচনি সমূহ আছে তাৰ বিষয়ে বৰ্ণনা কৰে। লগতে খেলা-ধূলাৰ লগতে জ্বৰীত এজনী ছোৱালীক আৰু সমাজৰ হকে নিজক উৎসৰ্গিত কৰা দুজনী নাৰীক সম্বৰ্ধনা জনোৱা হয়। আজিৰ এই সভাখনত কুমাৰ পট্টি গাঁও পঞ্চায়তৰ সভাপতি বিনোদ মুণ্ডা, মাৰ্ঘেৰিটা খণ্ড উন্নয়ন বিষয়া, সমাজ কৰ্মী শ্যাম উপাধ্যায়ৰ লগতে পঞ্চায়তৰ গণ্যমান্য ব্যক্তি উপস্থিত থাকে।