বহৰি পাৰঘাটত অঘটন: গা ধুবলৈ গৈ সন্ধানহীন দ্বিতীয় শ্ৰেণীৰ ছাত্ৰ

বৰপেটা: বৰপেটাৰ বহৰি পাৰঘাটত সংঘটিত হৈছে অঘটন। ব্ৰহ্মপুত্ৰত গা ধুবলৈ গৈ শুকুৰবাৰে সন্ধানহীন হোৱাৰ সন্দেহ দ্বিতীয় শ্ৰেণীৰ এগৰাকী ছাত্ৰৰ। ছাত্ৰজন কালাতলীৰ জালাল মিঞাৰ পুত্ৰ চাকিব মিঞা( ৮) বুলি জানিব পৰা গৈছে। স্থানীয় লোকে ছাত্ৰজন বিদ্যালয়ৰ পৰা আহি ব্ৰহ্মপুত্ৰত গা ধুই থাকোতে ব্ৰহ্মপুত্ৰৰ বুকুত সন্ধানহীন হোৱা বুলি সন্দেহ প্ৰকাশ কৰিছে।

বহৰি বুনিয়াদী প্ৰাথমিক বিদ্যালয়ৰ ছাত্ৰ আছিল চাকিব। ইতিমধ্যে ঘটনাস্থলীত এচ ডি আৰ এফ বাহিনী উপস্থিত হৈ উদ্ধাৰ অভিযান আৰম্ভ চলাইছিল। ঘটনাস্থলীত আৰক্ষী, ৰাজহ চক্ৰ বিষয়াও উপস্থিত হৈ ঘটনাৰ বুজ লৈছে। কিন্তু এতিয়াও ছাত্ৰজনৰ কোনো সন্ধান লাভ কৰা নাই। আন্ধাৰ হোৱাৰ বাবে শুকুৰবাৰে উদ্ধাৰ অভিযান সামৰিলে এচ ডি আৰ এফ বাহিনীয়ে। আজি পুৱাৰ পৰা পুনৰ উদ্ধাৰ অভিযান চলাইছে এচ ডি আৰ এফ বাহিনীয়ে।