৮ এপ্ৰিলৰ পৰা গুৱাহাটীত অনুষ্ঠিত হ'ব টেবুল টেনিছ ইউনাইটেড প্ৰিমিয়াৰ লীগ

নিউজ ডেস্কঃ উত্তৰ পূৰ্বাঞ্চলত প্ৰথমবাৰলৈ গুৱাহাটীত অনুষ্ঠিত হ’ব গ্লেমাৰিয়াছ টেবুল টেনিছ ইউনাইটেড প্ৰিমিয়াৰ লীগ। ৮ এপ্ৰিলৰ পৰা ১০ এপ্ৰিললৈ গুৱাহাটীত অনুষ্ঠিত হবলগীয়া টেবুল টেনিছ ইউনাইটেড প্ৰিমিয়াৰ লীগ খনৰ বাবে শুভেচ্ছা জনাইছে অলিম্পিকৰ পদক বিজয়ী খেলুৱৈ লাভলীনা বৰগোঁহাইয়ে। নগেন হাজৰিকা টেবুল টেনিছ ফাউন্ডেছনে ৮ এপ্ৰিলৰ পৰা ১০ এপ্ৰিললৈ গুৱাহাটীৰ দেশভক্ত তৰুণৰাম ফুকন ইন্ডৰ ষ্টেডিয়ামত আয়োজন কৰিছে টেবুল টেনিছৰ গ্লেমাৰিয়াছ লীগ খন। দেওবাৰে ষোল্লটা দলৰ স্বত্বাধীকাৰী সকলক গুৱাহাটীৰ লেন্ডমাৰ্ক হোটেলত সম্বৰ্ধনা জনাই আয়োজক সকলে। গ্লেমাৰিয়াছ লীগ খনত দেশৰ বিভিন্ন প্ৰান্তৰ ছিনিয়ৰ জুনিয়ৰ খেলুৱৈয়ে অংশ ল'ব।