বৰপেটাৰোডত পথ দুৰ্ঘটনা: থিতাতে নিহত এজন

বৰপেটাৰোড: বৰপেটাৰোডত দিনৰ ভাগত সংঘটিত হয় এক পথ দুৰ্ঘটনা। জানিব পৰা মতে বৰপেটাৰোডৰ ২ নম্বৰ ৱাৰ্ডৰ সূৰ্য্য নগৰৰ শ্যাম সুন্দৰ শীল (৬৭) নামৰ লোকজনে বৰপেটাৰোড আৰক্ষী থানাৰ সন্মুখেৰে খোজকাঢ়ি গৈ থকা সময়ত AS 28A 8844 নম্বৰৰ তীব্ৰবেগী বাইকৰ খুন্দাত থিতাতেই নিহত হয় লোকজন৷

দুৰ্ঘটনাত নিহত লোকজনৰ ঘৰ বৰপেটাৰোডৰ সূৰ্য্য নগৰত আৰু লোকজন ৰে'লৱে বিভাগৰ অৱসৰপ্ৰাপ্ত কৰ্মচাৰী আছিল বুলি জানিব পৰা গৈছে। ইপিনে লোকজনৰ মৃতদেহ মৰনোত্তৰ পৰীক্ষাৰ বাবে বৰপেটালৈ প্ৰেৰণ কৰা হৈছে৷ আনহাতে দুৰ্ঘটনা সংঘটিত কৰা বাইকখন বৰপেটাৰোড আৰক্ষীয়ে জব্দ কৰিছে৷